ကမ္ဘာမြေနေ့

ယနေ့ခေတ်ကြီးတွင် လူသားတို့သည် ရေမသန့်ခြင်း (water pollution) ၊ လေမသန့်ခြင်း (air pollution) ၊ ရေကြီးခြင်း၊ မုန်တိုင်းတိုက်ခတ်ခြင်း အစရှိ‌သော သဘာဝပတ်ဝန်းကျင်အန္တာရာယ်နှင့် ရင်ဆိုင်နေကြရသည်။ ရေကြီးခြင်း၊ မုန်တိုင်းတိုက်ခတ်ခြင်းတို့သည် မမျှော်လင့်ထားသော ဆိုးကျိုးများ ဖြစ်ကြသည်။ စိုက်ပျိုးရေးဖန်လုံအိမ်များဖြင့် စိုက်ပျိုးမှုများကြောင့် (ဖန်လုံအိမ်ဓာတ်ငွေ့များကြောင့်) အိုဇုံးအလွှာများ ပါးလာကာ ရာသီဥတုပြောင်းလဲမှုကို ဖြစ်ပေါ်စေသည်။ ထို့ကြောင့် လူသားတို့သည် ကမ္ဘာမြေကြီးကိုကာကွယ်ရန် ကမ္ဘာမြေကြီးအတွက် ရေနံနှင့်ဓာတ်ဆီအစား အန္တရာယ်ကင်းသော စွမ်းအင်အစားထိုးအသုံးပြုခြင်း နည်းလမ်းများကို ရှာဖွေနေကြရသည်။

ကမ္ဘာမြေနေ့သည် သဘာဝပတ်ဝန်းကျင်ကို ကာကွယ်ရေးအတွက် အလွန်အရေးကြီးသော နေ့ဖြစ်သည်။ ကမ္ဘာမြေနေ့ကို နှစ်စဥ် ဧပရယ် ၂၂ ရက်တွင် ကမ္ဘာတစ်ဝှမ်းလုံး၌ ကျင်းပကြသည်။ ၁၉၇၀ခုနှစ်၊ ဧပရယ်လ ၂၂ ရက်နေ့မှ စတင်ကျင်းပခဲ့ကြခြင်း ဖြစ်သည်။ ထိုနေ့တွင် လူသားတို့သည် ကမ္ဘာမြေကြီးကို မည်သို့ကာကွယ်စောင့်ရှောက်ကြရမည်၊ သဘာဝပတ်ဝန်းကျင်မှပေးသော အကျိုးတရားများနှင့် သဘာဝပတ်ဝန်းကျင်၏ အရေးပါမှုတို့ကို ပြန်လည်သုံးသပ်ခဲ့ကြသည်။

ကမ္ဘာတစ်ဝှမ်းသို့ ကိုရိုနာဗိုင်းရပ် (ကိုဗစ်-၁၉) ကပ်ရောဂါသည် ၂၀၂၀ ခုနှစ်တွင် ပြန့်ပွါးကူးစက်ခဲ့ရာ လူဦးရေ သန်းတစ်ရာကျော် ရောဂါကူးစပ်ခံခဲ့ရပြီး အသက်ဆုံးရှုံးခဲ့ရသူဦးရေမှာ သန်းနှင့်ချီ ရှိခဲ့ပြီးဖြစ်သည်။ ကိုဗစ်-၁၉ ကပ်ရောဂါသည် လူသားများနှင့် ကမ္ဘာမြေကြီး မည်မျှခုခံနိုင်စွမ်းရှိသည်ကို အံသြတုန်လှုပ်ရလောက်အောင် အသိပေးလိုက်ခြင်းဖြစ်သည်။ ဆိုးရွားလှသော ပျက်စီးမှုကို ကမ္ဘာမြေကြီးက ရင်ဆိုင်နေရသည်။

ထို့အပြင် အမေရိကန်ဆီးနှိပ်လွှတ်တော် မစ္စတာအန်တိုနီယိုဂတ်တားရပ်မှ ကိုဗစ်-၁၉သည် လူမှုစီပွါးရေးအပေါ် အကျိုးသက်ရောက်မှုအကြောင်းကို “ကျွန်ုပ်တို့သည် ရေရှည်တည်တံ့ခိုင်းမြဲသော ဖွံ့ဖြိုးရေးရည်မှန်းချက်များနှင့် ရာသီဥတုပြောင်းလဲခြင်းဆိုင်ရာ ပါရီသဘောတူညီချက်ကို ပြည့်မီရန် ဒီစိန်ခေါ်မှုကို ကောင်းကောင်းရင်ဆိုင်လာနိုင်ရတယ်” ဟူ၍ ပြောကြားခဲ့သည်။

လူထုအဖွဲ့အစည်းများသည် ကမ္ဘာတစ်လွှားရှိ စာသင်ကျောင်းများနှင့် ပန်းခြံများအပါအဝင် နေရာအနှံ့တွင် ထောင်ပေါင်းများစွာသော သဘာဝပတ်ဝန်းကျင် ထိန်းသိမ်းရေးလုပ်ငန်းများကို လုပ်ကိုင်နေကြသည်။ ကမ္ဘာမြေနေ့၌ ကမ္ဘာ့နိုင်ငံအသီးသီးတွင် ကမ္ဘာမြေစိမ်းလန်းစိုပြေရန်  လူသားအားလုံးတို့တွင် တာဝန်ရှိကြောင်း, ကမ္ဘာမြေပတ်ဝန်းကျင်ကို လူးသားအားလုံး ပေါင်းစုကာ ထိန်းသိမ်းကြရန် လိုအပ်ကြောင်းတို့ကို စည်းရုံးဟောပြောကြသည်။ ဟောပြောမှုများ၊ ဆောင်ရွက်မှုများသည် ကျွန်ုပ်တို့ ချစ်မြတ်နိုးရသော ပတ်ဝန်းကျင်နှင့် ကမ္ဘာမြေကြီးအား မည်မျှအကျိုးသက်ရောက်သည်ကို ဆန်းစစ်ကြရမည်။ ကျွန်ုပ်တို့ ချစ်မြတ်နိုးရသော ကမ္ဘာမြေကြီးကို ကာကွယ်စောင့်ရှောက်ရန်အတွက် ပိုမိုလုပ်ဆောင်သွားရန် လိုအပ်သည်။

လူသားတို့၏ စိတ်သဘောထားသည် ကမ္ဘာမြေကြီးအား အကျိုးသက်ရောက်ခြင်း

သက်ရှိ, သက်မဲ့တို့ မှီတင်းနေထိုင်ရာ ဤကမ္ဘာ့မြေကြီးကို တစ်ကိုယ်ကောင်းဆန်သော၊ ပတ်ဝန်းကျင်ကို ဂရုမစိုက်သော၊ “ဘယ်သူသေသေ ငတေမာပြီးရော” စိတ်ဓာတ်တို့ကြောင့် (ကမ္ဘာမြေကြီးကို) ထိခိုက်ပျက်စီးနိုင်သည်ကို စဥ်းစားကြည့်ပါ။

ထို့အပြင် လူ့အဖွဲ့အစည်းတွင် တကိုယ်ကောင်းဆန်သော, ပတ်ဝန်းကျင်ကို အလေးမထား, ဂရုမပြုသော ပုဂ္ဂိုလ်များ_များပြားလာလျှင် ဤကမ္ဘာမြေကြီးအတွက် မကောင်းသော အကျိုးဆက်များကို ဖြစ်ပေါ်လာပေလိမ့်မည်။ အချိန်နှောင်းသွားပါက ပြုပြင်, ပြင်ဆင်ရန် ခက်ခဲပါလိမ့်မည်။

စိတ်ဒုက္ခရောက်ရခြင်း (စိတ်ဆင်းရဲခြင်း) သည် မကောင်းသော စိတ်သဘောထားကို ဖြစ်လာစေသည်။ စိတ်ဆင်းရဲ,ဒုက္ခရောက်နေရသော သူတို့၏စိတ်သည် ကြည်လင်နိုင်မှု မရှိနိုင်ပေ။ ထိုအခါ ထိုသူတို့၏ စကားလုံးများနှင့် အပြုအမူများသည် ကြမ်းတမ်းသော အပြုအမူ, ရိုင်းစိုင်းသော ဒေါသစကားများဖြစ်လာကာ ပတ်ဝန်းကျင်ကို ထိခိုက်လာပါလိမ့်မည်။ ဥပမာအားဖြင့် ပင်လယ်ထဲကို အမှိုက်စွန့်ပြစ်ခြင်းသည် မြစ်ရေ,ချောင်းရေများ မသန့်ရှင်းခြင်းကို ဖြစ်လာစေမည်။ နောက်ဆုံးတွင် လူသားများအား တိုက်ရိုက်လည်းကောင်း, သွယ်ဝိုက်၍လည်းကောင်း ထိခိုက်လာမည်။ ဤလုပ်ရပ်သည် မှားယွင်းနေသည်ဟု သိသူတို့ပင် သူတို့၏ အမူအကျင့်နှင့် အလေ့အထတို့ကြောင့်၊ ပတ်ဝန်းကျင်နှင့် တပါးသူတို့အား အလေးမထားသော စိတ်ဓာတ် (ယုတ်ညံ့သော သဘောထား) တို့ကြောင့် ဆက်လက် လုပ်နေကြဆဲ ဖြစ်သည်။

ဆန့်ကျင်ဘက်အားဖြင့် ပတ်ဝန်းကျင်ကို ဂရုစိုက်သောသူများ၏ စိတ်သည် ကြည်လင်သန့်ရှင်း ဖြူစင်သောကြောင့် ပျော်ရွှင်နေကြသည်။ ထိုသူတို့၏ အတွေးများ, စကားများ, အပြုအမူများသည် အကောင်းဘက်သို့ ဦးတည်နေမည်။ ပတ်ဝန်ကျင်အားလည်း သဘာဝပတ်ဝန်းကို ထိန်းသိမ်းကာကွယ် စောင့်ရှောက်ရန် တိုက်တွန်းပါလိမ့်မည်။

မြတ်ဗုဒ္ဓသည် ဖြူစင်သန့်ရှင်း, တောက်ပကြည်လင်သော စိတ်ကို ရေဖြင့် ဥပမာပေးတော်မူခဲ့သည်။ အနည်,အမှုံတို့ဖြင့် ပြည့်နေသော ရေသည် ကြည်လင်မှုမရှိပေ။ အနည်,အမှုံများ မရှိမှသာ (အနည်သိမ်သွားမှသာ) ကြည်ကြည်လင်လင် မြင်ရနိုင်သည်။ ထို့အတူ ကြည်လင်သောစိတ်သည်သာ အကြံကောင်းများပေါ်လာကာ ဖြစ်ပေါ်လာ‌သော အခြေအနေများကို ကောင်းစွာကိုင်တွယ်နိုင်ပါမည်။ စိတ်ကြည်မှသာ စိန်ခေါ်မှုများနှင့် ကြုံတွေ့လာသည့်အခါ ပြဿနာ၏အရင်းခံကို ရှာဖွေနိုင်၍ အသိဉာဏ်ကို ကောင်းစွာအသုံးချနိုင်ပါလိမ့်မည်။ သေးသေး, ကြီးကြီးပြဿနာများ၊ ကိုယ်ရေးကိုယ်တာ၊ နိုင်ငံတော်ဆိုင်ရာ၊ ကမ္ဘာလုံးဆိုင်ရာ ပြဿနာများထိတိုင်အောင် ကောင်းစွာဖြေရှင်းနိုင်ပါလိမ့်မည်။

မန္တာန်ရွတ်ဖတ်ခြင်းဆိုသည်မှာ “သမ္မာ အရဟံ” “သမ္မာ အရဟံ” ဟု ညင်ညင်သာသာ ထပ်ဖန်တလဲလဲ စိတ်ထဲတွင် ရွတ်ဖတ်ပူဇော်ခြင်းဖြစ်သည်။ စိုးရိမ်ပူပန်ခြင်းများ၊ အတွေးအာရုံများ မရှိတော့သည်အထိ ရွတ်ဖတ်ပါ။ ထို့နောက် တောက်ပ‌သော အတွင်းစိတ် ငြိမ်သက်အေးချမ်းခြင်းကို စတင်ခံစားရပါလိမ့်မည်။

ယခုတရားထိုင်သည့် နည်းလမ်းမှာ အခြေခံတရားအားထုတ်သူတို့အတွက် ဖြစ်ပါသည်။ ထိုနည်းအတိုင်း ခန္တာကိုယ်အလယ်မှတ်တွင် ကြည်လင်သော, တောက်ပသော ကသိုဏ်းဖန်လုံးကို ပုံဖော်ယူ၍ မန္တာန်ကို အကြိမ်ကြိမ်ရွတ်ဖတ်ခြင်းကို စိတ်ကလေး တည်ငြိမ်လာသည်အထိ ဆက်လက်ပြုလုပ်ပါ။

ထိုအခိုက်အတန့်ကာလ၌ ငြိမ်းအေးခြင်းကို ရရှိပါလိမ့်မည်။ ကိုယ်,စိတ် နှစ်ပါး၏ တဖြည်းဖြည်း ပြောင်းလဲလာခြင်းကို အံ့သြစွာ တွေ့ရှိရပါလိမ့်မည်။

ထို့အပြင် ကိုယ်,စိတ် နှစ်ပါး၏ တိုးတက်ပြောင်းလဲမှုကို တဖြည်းဖြည်း သိရှိလာမည်။ တစ်ရက်၊ နှစ်ရက် တရားအားထုတ်၍ ငြိမ်းအေးခြင်းရလာဒ်ကို မရရှိသေးလျှင် စိတ်မပျက်လိုက်ပါနှင့်။ ဆက်လက်အားထုတ်ပါ။ အစားစားနေစဥ်၊ ရေချိုးနေစဥ် အချိန်တိုင်းတွင် ဆက်လက်အားထုတ်ပါ။ သစ်ပင်စိုက်သကဲ့သို့မျိုး ဇွဲ,လုံ့လစိုက်ထုတ်ကာ ရှုမှတ်ပါ။ သစ်ပင်စိုက်သည့်အခါ မျိုးစေ့မှ သစ်ပင်ငယ်အဖြစ်၊ ထို့သစ်ပင်ငယ်မှ သစ်ပင်ကြီးဖြစ်အောင် တဖြည်းဖြည်း စိုက်ပျိုးယူရသည်။ ထို့အတူပင် တရားအားထုတ်ရာတွင် အချိန်ယူ၍ အားထုတ်ရမည်။ သစ်ပင်ကို တစ်နေ့လျှင် စင်တီမီတာ မည်မျှရှည်လာသည်ဟု နေ့စဥ်မတိုင်းယူပါ။ ထို့အတူ တရားအားထုတ်ရာတွင်လည်း မတိုင်းတာပါနှင့်။

အားလုံးအတူတကွ တရားထိုင်ကြသည့်အခါ စိတ်တည်ငြိမ်,အေးချမ်းခြင်းကို ရရှိကြမည်။ ထိုရရှိလာသော ငြိမ်‌အေးနေသော စိတ်ကလေးဖြင့်, တနည်း_ ဖြူစင်သန့်ရှင်း, တောက်ပကြည်လင်သော စိတ်စွမ်းအင်ဖြင့် ကျွန်ုပ်တို့ ပတ်ဝန်းကျင်မှ လူပုဂ္ဂိုလ်များ၊ မိသားစုဝင်များ၊ သူငယ်ချင်းမိတ်ဆွေများ၊ ဆွေမျိုးများ၊ မိမိချစ်ရသူများနှင့် ကမ္ဘာပေါ်ရှိ လူသားအားလုံးတို့ထံသို့ မေတ္တာပို့သကြရမည်ဖြစ်သည်။