ວັນຄຸ້ມຄອງໂລກ
ນັ່ງສະມາທິແລະຈຸດປະທີບພ້ອມກັນທົ່ວໂລກ
ຜ່ານ App Zoom ຮ່ວມຄຸ້ມຄອງໂລກໃຫ້ເກີດສັນຕິພາບນຳກັນ
ໃນວັນພະຫັດທີ 22 ເມສາ ພ.ສ.2565
ປັດຈຸບັນບັນຫາກ່ຽວກັບສິ່ງແວດລ້ອມເປັນພິດໄດ້ທະວີຄວາມຮຸນແຮງຂຶ້ນຢ່າງໄວວາ ບໍ່ວ່າຈະເປັນບັນຫານ້ຳເສຍ ອາກາດເປັນພິດ ຫລືການຕັດໄມ້ທຳລາຍປ່າ ທີ່ສົ່ງຜົນໃຫ້ເກີດວາຕະໄພ ຫລືອຸທົກກະໄພ ແບບຮຸນແຮງແລະຮຸນແຮງ ນອກຈາກນັ້ນກໍ່ຍັງມີບັນຫາສິ່ງແວດລ້ອມ ເຊິ່ງເປັນບັນຫາໂລກ ເຊັ່ນບັນຫາການເກີດປາກົດການ Green House Effect ບັນຫາປະລິມານໂອໂຊນ ໃນຊັ້ນບັນຍາກາດຫລຸດລົງ ຫລືບັນຫາພະລັງງານຂອງໂລກ ທີ່ຈະຕ້ອງຫາມາທົດແທນການໃຊ້ນ້ຳມັນ ເປັນຕົ້ນ
ວັນຄຸ້ມຄອງໂລກ (Earth Day)
ວັນຄຸ້ມຄອງໂລກຖືເປັນວັນສຳຄັນ ຂອງກະບວນການອຸນຸລັກທຳມະຊາດທົ່ວໂລກ ກົງກັບວັນທີ 22 ເມສາ 2513 ເປັນວັນທີ່ເຮົາຈະໄດ້ລະນຶກເຖິງສິ່ງແວດລ້ອມ ແລະວາງແຜນວ່າເຮົາຈະເຮັດອັນໃດແນ່ເພື່ອປົກປ້ອງ ຂອງຂວັນທີ່ທຳມະຊາດມອບໃຫ້ແກ່ໂລກຂອງເຮົາຫນ່ວຍນີ້
ໃນຂະນະທີ່ເຊື້ອພະຍາດໂຄວິດ 19 ໄດ້ແຜ່ຂະຫຍາຍໄປທົ່ວທັງໂລກຕັ້ງແຕ່ຕົ້ນປີ 2020 ຈົນຮອດປະຈຸບັນນີ້ ມີຄົນທົ່ວໂລກທີ່ຕິດເຊື້ອພະຍາດໂຄໂລນ່າໄວຣັສລວມກັນຫລາຍກວ່າຫນຶ່ງຮ້ອຍລ້ານຄົນ ແລະມີພົນລະເມືອງໂລກເສຍຊີວິດໄປຫລາຍລ້ານຄົນ ໂລກລະບາດນີ້ໄດ້ເຮັດໃຫ້ມະນຸດໄດ້ຄິດເຖິງຄວາມບໍ່ຫມັ້ນຄົງໃນຊີວິດ ຄວາມເສຍຫາຍທັງຫມົດທີ່ເກີດຂຶ້ນຕໍ່ສິ່ງແວດລ້ອມໂລກຕ້ອງໄດ້ຮັບການແກ້ໄຂຢ່າງໄວວາ
ຍິ່ງໄປກວ່ານັ້ນ ເລຂາທິການສະຫະປະຊາຊາດ ພະນະທ່ານອັນໂຕນິໂອ ກູເຕີເຣສ ໄດ້ກ່າວເຖິງຜົນກະທົບທາງດ້ານສັງຄົມແລະເສດຖະກິດຈາກໂຄວິດ19 ວ່າ ຖ້າຫາກພວກເຮົາໄດ້ໃສ່ໃຈໃນເລື່ອງການພັດທະນາແບບຢັ້ງຢືນ ແລະຂໍ້ຕົກລົງປາລີດໃນເລື່ອງປ່ຽນແປງສະພາບອາກາດໃຫ້ຫລາຍ ພວກເຮົາຈະສາມາດຈັດການກັບການປ່ຽນແປງນີ້ໄດ້ດີຍິ່ງຂຶ້ນ
ມີອົງກອນເອກກະຊົນຫລາຍແຫ່ງທີ່ເຝົ້າສັງເກດການກ່ຽວກັບ ກິດຈະກຳຕາມໂຮງຣຽນແລະສວນສາທາລະນະຫລາຍພັນບ່ອນທີ່ຈັດຂຶ້ນໃນວັນນີ້ ປະເທດຕ່າງໆ ທົ່ວໂລກຈະຈັດກິດຈະກຳຕ່າງໆ ໃນວັນຄຸ້ມຄອງໂລກ ຊ່ວຍຍ້ຳເຕືອນວ່າຈິດສຳນຶກດ້ານສິ່ງແວດລ້ອມເປັນສ່ວນຫນຶ່ງຂອງຈິດສຳນຶກປະຊົນທົ່ວປະເທດແລະການພິທັກສິ່ງແວດລ້ອມ ເຮັດໃຫ້ເຮົາໄດ້ນຶກເຖິງຄວາມຮັບຜິດຊອບຫລາຍຂຶ້ນໃນຖານະຜູ້ຢູ່ອາໄສໃນໂລກຫນ່ວຍນີ້ ແລະຖືເປັນໂອກາດທີ່ດີທີ່ເຮົາຈະໄດ້ມາທົບທວນກິດຈະກຳຕ່າງໆທີ່ມີຜົນກະທົບຕໍ່ໂລກ ຫລືອີກຢ່າງຫນຶ່ງຄືສິ່ງແວດລ້ອມແລະກິດຈະກຳໃດກໍ່ຕາມທີ່ສາມາດເຮັດໃຫ້ໂລກຫນ່ວຍນີ້ນ່າຢູ່ຍິ່ງຂຶ້ນ
ສິ່ງທີ່ປ່ຽນແປງໂລກ
- ປາກົດການທາງທຳມະຊາດ ເຊັ່ນ ນ້ຳຖ້ວມ ໄຟປ່າ ແລະພາຍຸ ລ້ວນແຕ່ເປັນສ່ວນຫນຶ່ງຂອງທຳມະຊາດ ທີ່ເຮັດໃຫ້ໂລກເກີດເປັນຮູບເປັນຮ່າງຂຶ້ນມາ ໂລກທີ່ເຮົາອາໄສຢູ່ທຸກວັນນີ້ເກີດຈາກການທຳງານຂອງທຳມະຊາດ ເຫດການເຫລົ່ານີ້ລ້ວນສົ່ງຜົນຕໍ່ໂລກເຊິ່ງຍາກຕໍ່ການຄວບຄຸມ ແລະບໍ່ອາດຈະຄວບຄຸມໄດ້
- ການກະທຳຂອງມະນຸດ ເຊັ່ນ ການຕັດໄມ້ທຳລາຍປ່າ ການທົດລອງນິວເຄຣຍ ການສ້າງມົນລະພິດທາງນ້ຳ ແລະອາກາດ ລວມໄປເຖິງການໃຊ້ຊັບພະຍາກອນທຳຊາດໂດຍສິ້ນເປືອງ ລ້ວນແລ້ວແຕ່ເປັນປັດໃຈທີ່ເຮັດໃຫ້ສະພາບແວດລ້ອມໃນໂລກເສື່ອມໂຊມລົງແລະບາງເທື່ອກໍ່ບໍ່ສາມາດຄວບຄຸມມັນໄດ້
ບັນຫາຂອງໂລກທີ່ເກີດຂຶ້ນມາຈາກປາກົດການທາງທຳມະຊາດນັ້ນ ເມື່ອວິເຄາະໃຫ້ເລິກລົງໄປແລ້ວນັ້ນ ສາເຫດກໍ່ມາຈາກມະນຸດເປັນສ່ວນໃຫຍ່ ຈະເຫັນໄດ້ວ່າມະນຸດເປັນສາເຫດຫລັກຂອງບັນຫາສິ່ງແວດລ້ອມທາງທັງຕົງແລະທາງອ້ອມ ຈຶ່ງຈຳເປັນຢ່າງຍິ່ງທີ່ມະນຸດຈະປ່ຽນການກະທຳຕ່າງໆທີ່ບໍ່ດີຕໍ່ໂລກຫນ່ວຍນີ້ ເຊິ່ງການກະທຳທີ່ບໍ່ດີເຫລົ່ານີ້ ເກີດຈາກນິໄສທີ່ເຫັນແກ່ຕົວ ເຫັນແກ່ໄດ້ ແລະເມື່ອຍ້ອນກັບໄປວ່ານິໄສທີ່ເຫັນແກ່ຕົວເຫັນແກ່ໄດ້ນີ້ເກີດມາຈາກໄສ ກໍ່ຈະເຫັນໄດ້ວ່າ ສາເຫດມາຈາກຄວາມຄິດ ຫລືທັດສະນະຄະຕິທີ່ບໍ່ດີເກີດຂຶ້ນມາກ່ອນ
ທັດສະນະຄະຕິທີ່ດີແລະບໍ່ດີມີຜົນຕໍ່ໂລກ
ເຊິ່ງໃຈທີ່ຜ່ອງໃສນັ້ນປຽບດັ່ງກັບນ້ຳທີ່ໃສ ເຫັນຕົວປາໃນນ້ຳໄດ້ແບບຊັດເຈນ ຜູ້ທີ່ມີໃຈທີ່ຜ່ອງໃສ ເຂົາຈະສາມາດກັ່ນກອງເລື່ອງລາວຕ່າງໆໄດ້ລະອຽດ ເມື່ອພົບບັນຫາຫລືເລື່ອງລາວຕ່າງໆ ກໍ່ຈະເຫັນຕົ້ນຕໍຂອງບັນຫາໄດ້ຢ່າງຊັດເຈນ ແລະສາມາດແກ້ໄຂບັນຫາໄດ້ຖືກຈຸດ ບໍ່ວ່າຈະເປັນບັນຫານ້ອຍໃຫຍ່ ຈົນເຖິງລຳດັບບັນຫາຂອງສັງຄົມ ປະເທດ ຫລືລະດັບໂລກ ສຸດທ້າຍບັນຫາເຫລົ່ານັ້ນກໍ່ຈະໄດ້ໃນທີ່ສຸດ
ການປູກຝັງທັດສະນະຄະຕິທີ່ດີເລີ້ມຈາກການເຝິກໃຈໃຫ້ຜ່ອງໃສ
ວິທີການເຝິກນີ້ ເຖິງວ່າຈະຄືກັບບົດເຝິກເບື້ອງຕົ້ນ ແຕ່ເຮົາກໍ່ສາມາດເຝິກຝົນໄດ້ຕະຫລອດ ທຸກອະຣິຍະບົດ ໂດຍຂໍໃຫ້ກຳຫນົດນຶກເຖິງພາບດວງແກ້ວໃສສະຫວ່າງແລະທ່ອງເບົາໆ ໃນໃຈແບບນີ້ ຢ່າງສະຫມ່ຳສະເຫມີ ຕໍ່ເນື່ອງ ຈົນກາຍເປັນນິໄສ ແລ້ວເຮົາຈະພົບວ່າ ເຮົາກຳລັງພົບກັບສິ່ງມະຫັດສະຈັນແລະເລີ້ມພົບກັບການປ່ຽນແປງ ຂອງຮ່າງກາຍແລະຈິດໃຈທີ່ເລີ້ມມີການພັດທະນາໃນທາງທີ່ດີຂອງຊີວິດເທື່ອລະຫນ້ອຍໆ ເຖິງວ່າຈະຍັງບໍ່ສາມາດຮູ້ສຶກໄດ້ພາຍໃນຫນຶ່ງຫລືສອງຊົ່ວໂມງ ແຕ່ຂໍໃຫ້ເຮົາເຮັດຕໍ່ໄປ ເພາະເຮົາຍັງໃຊ້ເວລາທີ່ຕໍ່ເນື່ອງສະຫມ່ຳສະເຫມີ ດັ່ງເຊັ່ນ ການປູກຕົ້ນໄມ້ທີ່ເຮົາກຳລັງກ້າໃນແລ້ວເລີ້ມງອກງາມ ຈາກຕົ້ນກ້ານ້ອຍໆ ຈົນເຕີບໃຫຍ່ກາຍເປັນຕົ້ນໄມ່ໃຫຍ່ ຄ່ອຍເປັນຄ່ອຍໄປ ໂດຍທີ່ເຮົາບໍ່ສາມາດກຳຫນົດຫລືແທກໄດ້ວ່າ ຂະຫນາດຂອງຕົ້ນໄມ້ນັ້ນໃຫຍ່ຂຶ້ນວັນລະເທົ່າໃດ
ສັນຕິສຸກພາຍໃນ ແຜ່ຂະຫຍາຍສູ່ສັນຕິພາບພາຍນອກ
ເມື່ອເຮົາສະຫວ່າງ ໂລກກໍ່ສະຫວ່າງນຳ
ໃຈຂອງມະນຸດເຮົານັ້ນ ສາມາດເປັນຈຸດເລີ້ມຕົ້ນຂອງທັງສົງຄາມແລະສັນຕິພາບໄດ້ ຖ້າໃຈຂອງຜູ້ຄົນເຕັມໄປດ້ວຍຄວາມຮ້ອນຮົນ ທີ່ເກີດຈາກຄວາມໂລບ ຫລືຄວາມໂກດແລະຄວາມຫລົງກໍ່ຕາມ ຄວາມຮູ້ສຶກ ນຶດຄິດເປັນຈຸດເຮັດໃຫ້ເກີດຄວາມຂັດແຍ້ງແລະເກີດສົງຄາມຂຶ້ນແລະການຕໍ່ສູ້ທີ່ລະເບີດມາທາງປາກກະບອກປືນເຊິ່ງລະບາດໄປທົ່ວໂລກແລະເຮັດໃຫ້ເກີດຄວາມທຸກທໍລະມານຂອງຊີວິດລ້ວນເລີ້ມຕົ້ນຈາກໄຟໃນໃຈ ປຽບດັ່ງປະກາຍໄຟຂອງຫົວໄມ້ຂີດໄຟກ້ານນ້ອຍໆ ທີ່ລຸກລາມ ເຜົາໄຫມ້ບ້ານເມືອງໃຫ້ຍ່ອຍຍັບໄດ້ ໃນຂະນະດຽວກັນ
ເມື່ອໃດທີ່ໃຈຂອງເຫລົ່າມວນມະນຸດສະຫງົບເຢັນລົງ ເຕັມປ່ຽມໄປດ້ວຍ ສະຕິແລະປັນຍາ ຄວາມສຸກທີ່ບໍ່ມີປະມານຍ່ອມກໍ່ເກີດຂຶ້ນ ແລະຜົນເປັນສັນຕິພາບທີ່ແວດລ້ອມຕົວບຸກຄົນ ຄອບຄົວ ຊຸມຊົນສັງຄົມ ປະເທດຊາດ ແລະປະຊາຄົມໂລກ ກາຍເປັນສັນຕິພາບໂລກ ທີ່ເກີດຂຶ້ນຈາກ ສັນຕິສຸກພາຍໃນ ເພາະສະນັ້ນ ໃຈຈຶ່ງເປັນອຸປະກອນສຳຄັນທີ່ອາດນຳມາໄດ້ທັງສົງຄາມໂລກ ຫລືສັນຕິພາບໂລກ ເຊັ່ນດຽວກັນ
ກິດຈະກຳຂອງທີ່ວັດພຣະທັມມະກາຍ
ເມື່ອພວກເຮົາທຸກຄົນພ້ອມກັນກັ່ນໃຈໃຫ້ຜ່ອງໃສ ແບ່ງປັນຄວາມປາດຖະຫນາດີໂດຍການແຜ່ເມຕຕາຈາກໃຈຂອງເຮົາ ກະແສແຫ່ງຄວາມບໍລິສຸດນີ້ຈະຂະຫຍາຍໄປສູ່ບຸກຄົນຮອບຂ້າງອັນເປັນທີ່ຮັກຂອງພວກເຮົາທຸກໆຄົນ ຍາດສະຫນິດມິດສະຫາຍ ລວມເຖິງສັບພະສັດທັງຫລາຍໃຫ້ມີແຕ່ຄວາມຄິດ ຄວາມປາດຖະຫນາດີເຊິ່ງກັນແລະກັນຕະຫລອດຈົນໄປເຖິງສິ່ງແວດລ້ອມທົ່ວທັງໂລກ ຄຸ້ມຄອງໂລກໃຫ້ພົບສັນຕິພາບແລະສັນຕິສຸກຢ່າງແທ້ຈິງ
ພິທີຈຸດທຽນແລະນັ່ງສະມາທິທົ່ວໂລກ
ວັນຄຸ້ມຄອງໂລກ Earth Day
ວັນສຸກທີ 22 ເມສາ 2565
ກຳນົດການ. (GMT+7)
19:00ນ. ພິທີຈຸດທຽນ/ ນັ່ງສະມາທິ / ແຜ່ເມດຕາ
19.40ນ. ພິທີຈະເລີນພຸທທະມົນ/ອະທິຖານຈິດ
20:25ນ. ຈົບພິທີ
——————————————————–
ພິທີສູດສະຫຼອງໄຊສູດມົນທັມມະຈັກກັບປະວັດຕະນະສູດ 4,300,000,078 ຈົບ